رابطوں کی امریکی درخواست وقت کا ضیاع ہے، شمالی کوریا

 جب تک امریکا کی دشمنانہ پالیسیاں جاری ہیں ایسی درخواست کی کوئی اہمیت نہیں
پیانگ یانگ(نیوز ڈیسک) شمالی کوریانے رابطے برقرار کرنے کی امریکی درخواست کو فریب اور وقت کا ضیاع قرار دیا ہے، امریکی حکام نے ای میل اور ٹیلی فون کے ذریعے شمالی کوریا کے ساتھ رابطے برقرار رکھنے کی درخواست کی تھی جس پر شمالی کوریا نے اپنے ردعمل میں کہا کہ جب تک امریکا کی دشمنانہ پالیسیاں جاری ہیں ایسے رابطوں کی درخواست کوئی اہمیت نہیں رکھتی، ہم ایسی درخواست کو وقت کی بربادی سمجھتے ہیں، شمالی کوریا، نیک نیتی کا جواب نیک نیتی سے دیتا ہے تاہم وہ دھونس دھمکی میں نہیں آئے گا