دہشت گردوں کی پھر سر اٹھانے کی کوشش، 21اہلکار شہید،3 زخمی

گوادر سے کراچی جانے والے او جی ڈی سی ایل کے قافلے کی حفاظت پر مامور اہلکاروں اور دہشت گردوں کے درمیان فائرنگ کا تبادلہ ، فورسز کے 14 اہلکار شہید
تربت میںبھی فورسز پر حملہ ،ایک اہلکار شہید، جنوبی وزیرستان میں فوجی قافلے پر دہشت گردوں کے حملے میں پاک فوج کاایک افسر اور 5 سپاہی شہید
کوئٹہ /وانا(نیوز ڈیسک)بلوچستان اور شمالی وزیرستان میں دہشت گردوں کے حملوں میں21اہلکار شہید اور 3 زخمی ہوگئے ،گوادر سے کراچی جانے والے او جی ڈی سی ایل کے کاروان کی حفاظت پر مامور سیکیورٹی فورسز اور دہشت گردوں کے درمیان کوسٹل ہائی وے پر اورماڑا کے قریب فائرنگ کا تبادلہ ہوا،جس میں 7 سیکیورٹی گارڈز سمیت سیکیورٹی فورسز کے 14 اہلکار شہید ہوگئے، سیکیورٹی فورسز نے مو ¿ثر جواب دیا اور او جی ڈی سی ایل کے ملازمین کی سلامتی کو یقینی بناتے ہوئے انہیں جائے وقوع سے بحفاظت نکال لیا،ادھر تربت میں سیکیورٹی فورسز پر دہشتگردوں نے حملہ کردیا جس کے نتیجے میں ایک اہلکار شہید اور 3 زخمی ہوگئے،دوسری جانب جنوبی وزیرستان میں فوجی قافلے پر دہشت گردوں کے حملے میں پاک فوج کاایک افسر اور 5 سپاہی شہید ہوگئے ، دھماکا جنوبی وزیرستان کے علاقے رزمک میں ہوا