دوحہ : تشدد کے خاتمے کیلئے افغان حکومت اور طالبان کے وفود میں ملاقات

دوحہ : افغانستان میں تشدد کے خاتمے کیلئے افغان حکومت اور طالبان کے وفود میں ملاقات ہوئی۔ قطر کے دارالحکومت دوحہ میں کی گئی ملاقات میں فریقین نے امن عمل کو تیز کرنے پر اتفاق کیا۔ آئندہ کی ملاقاتوں کے ایجنڈے کے بارے میں بھی تبادلہ خیال کیا گیا۔مذاکراتی وفود کے درمیان یہ ملاقات ایسے وقت میں ہوئی ہے جب افغانستان کی صورتحال کے بارے میں ترکی کے شہر استنبول میں ہونے والا اجلاس طالبان کی عدم شرکت کی بنا پر موخر کردیا گیا تھا ۔ اور آئندہ بھی اس اجلاس کے انعقاد کی امید دکھائی نہیں دیتی۔