Raza Musani 
وانا: دہشت گردوں نے جنوبی وزیرستان کے علاقے مکین میں فورسزکی چیک پوسٹ پرفائرنگ کردی، جس کے نتیجے میں 4 جوان شہید ہوگئے۔ شہداء میں لانس نائیک عمران علی، سپاہی عاطف جہانگیر، سپاہی انیس الرحمان اورسپاہی عزیز شامل ہیں پاک فوج کی جانب سے دہشت گردوں کومنہ توڑجواب دیا گیا جوابی کارروائی میں چاردہشت گرد بھی مارے گئے۔ وزیراعلی خیبرپختونخوا محمود خان کی واقعے کی شدید مذمت کرتے ہوئے سیکیورٹی اہلکاروں کی شہادت پر اظہار تعزیت کی اور شہداء کے اہل خانہ سے دلی ہمدردی کا اظہارکیا۔ وزیراعلی خیبرپختونخوا محمود خان نے کہا کہ دہشت گردی کے خلاف جنگ میں سیکیورٹی فورسز نے لازوال قربانیاں دیں، قوم سیکیورٹی فورسز کے شانہ بشانہ کھڑی ہے۔
