جبری گمشدگیوں کا غیرآئینی و غیرانسانی سلسلہ بند کیا جائے، شیعہ تنظیمیں

جبری گمشدگی آئین کی سنگین خلاف ورزی ہے جس پر خاموش نہیں رہا جا سکتا، علامہ راجہ ناصرعباس، اداروں کو آئینی حدود و قیود کا پابند کیا جائے، علامہ اسدی
ایک آزاد ریاست میں اپنے ہی شہریوں کو ظلم و ستم کا شکار کیا جا رہا ہے،علامہ سبزواری، شیعہ افراد کا لاپتہ ہونا قابل تشویش ہے، حج? الاسلام علامہ سید باقر الحسینی
اسلام آباد نیوز ڈیسک مجلس وحدت مسلمین، شیعہ علما کونسل اور دوسری شیعہ تنظیموں نے
شیعہ افراد کی جبری گمشدگی کی مذمت کرتے ہوئے انہیں فوری رہا کرنے کا مطالبہ کیا ہے، مجلس وحدت مسلمین پاکستان کے سربراہ علامہ راجہ ناصرعباس جعفری نے کہا ہے کہ ہم شیعہ لاپتا افراد کے اہل خانہ کے ساتھ کھڑے ہیں۔جوائنٹ ایکشن کمیٹی فار شیعہ مسنگ پرسنز کا دھرنا ملک میں آئین کی بالادستی کے لیے جدوجہد ہے، کسی بھی شہری کی جبری گمشدگی بنیادی انسانی حقوق سے متصادم اور آئین کی سنگین خلاف ورزی ہے جس پر خاموش نہیں رہا جا سکتا،حکومتی اداروں سے ہمارا مطالبہ ہے کہ لاپتہ نوجوانوں کو آئین کے مطابق عدالتوں کے سامنے پیش کیا جائے۔جو لوگ قصوروار ہیں انہیں قانون کے مطابق سزائیں دی جائیں، مجلس وحدت مسلمین پاکستان کے مرکزی ڈپٹی سیکرٹری جنرل سید ناصرشیرازی نے کہا ہے کہ کراچی کی شدید گرمی میں بزرگ،خواتین اور بچے اپنے پیاروں کی بازیابی کے لیے دادرسی کے منتظر ہیں، ریاست کو ماں کا کردار ادا کرتے ہوئے ان کے مطالبات جو کہ بالکل جائز اور آئینی ہیں تسلیم کرنے چاہئیں، مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی نے کہا ہے کہ ماضی کی حکومتوں میں ملت تشیع کیساتھ جس طرح کا امتیازی اور متعصبانہ انداز اپنایا گیا، اس کے ردعمل میں ملت جعفریہ نے موجودہ حکومت کا ساتھ دیا، تاہم تبدیلی کے بلند و بانگ دعوے تو کئے جا رہے ہیں، لیکن تبدیلی کہیں نظر نہیں آرہی، مرکزی و صوبائی حکومتوں کو چاہیئے کہ ہمارے نوجوانوں کے اغوائ میں ملوث اداروں کو آئینی حدود و قیود کا پابند کریں، ایک طرف ہم مقبوضہ کشمیر میں عام شہریوں کیساتھ ریاستی جبر کا ڈھنڈورا پیٹ رہے ہیں، جبکہ دوسری جانب ایک آزاد ریاست میں اپنے ہی شہریوں کو ظلم و ستم کا شکار کیا جا رہا ہے، شیعہ علمائ کونسل شمالی پنجاب کے صدر علامہ سید سبطین حیدر سبزواری نے کہا ہے کہ کسی بھی انسان کو بغیر کسی مقدمہ کے جبری طور پر لاپتہ اور قید رکھنا غیر آئینی، غیر انسانی اور غیر اسلامی فعل ہے، صدر انجمن امامیہ بلتستان و نائب خطیب مرکزی امامیہ جامع مسجد اسکردو حج? الاسلام علامہ سید باقر الحسینی نے کہا کہ پاکستان کی سرزمین پر شیعہ افراد کا لاپتہ ہونا قابل تشویش ہے۔اگر کوئی مجرم ہے تو اسے عدالتوں میں پیش کیا جائے۔قانون کے کٹہرے میں لائے بغیر غائب کر دینا غیر قانونی اور غیر اسلامی عمل ہے جس کی بھر پور مذمت کرتے ہیں