جبری گمشدگیاں قانون اور آئین کی خلاف ورزی ہیں، آئی ایس او

شیعہ قوم سڑکوں پر آگئی تو حکومت اقتدار میں نہیں رہیگی، عارف حسین الجانی، پریس کانفرنس
سرگودھا نیوز ڈیسک سرگودھا میں سردار تنویر حیدر اور دوسرے لاپتہ افراد کی بازیابی کیلئے احتجاجی مظاہرہ کیا گیا، تحصیل ساہیوال سے جبری لاپتہ سردار تنویر حیدر کے ورثاء اور علماء کرام کے ہمراہ پریس کانفرنس کرتے ہوئے امامیہ اسٹوڈنٹس آرگنائزیشن پاکستان کے مرکزی صدر عارف حسین الجانی نے کہا کہ جبری گمشدگیاں قانون اور آئین کی خلاف ورزی ہیں، جب قانون نافذ کرنیوالے ہی قانون کو پامال کرتے ہیں تو اس سے تاثر یہ جاتا ہے کہ جس کی لاٹھی اس کی بھینس کا راج ہے، مسلسل گمشدگیوں سے شہریوں میں یہ تاثر پایا جاتا ہے کہ گویا ملک میں قانون نام کی کوئی چیز وجود ہی نہیں رکھتی، ہم پاکستان میں لاقانونیت کے حامی نہیں، تاریخ گواہ ہے کہ کوئٹہ میں سیکڑوں جنازے سڑک پر رکھ کر پ ±رامن احتجاج کیا۔ ہم محب وطن شہری ہیں، ہمارا قانون نافذ کرنیوالے اداروں سے مطالبہ ہے کہ جبری طور پہ لاپتہ کیے جانیوالے افراد کو فوری طور پہ بازیاب کروایا جائے، اگر وہ کسی بھی جرم میں ملوث ہیں تو عدالت اور قانون کے مطابق ان کو سزا دی جائے، ہمارے صبر کا پیمانہ لبریز ہوچکا ہے،ہم مسنگ پرسنز کو فراموش نہیں کرسکتے، ہر قیمت پر ہمیں یہ افراد چاہیئں، انہیں رہا کیا جائے، ہم پورے ملک میں آواز اٹھائیں گے، ہم ملک کے گوش و کنار میں دھرنوں کا دائرہ وسیع کر دیں گے اور ہرگز چین سے نہیں بیٹھیں گے