بھارت میں ایک اورمسجد گرانے کے سازشی منصوبے کا آغاز

 قطب مینارمسجد کیخلاف عدالت میں درخواست ،مندر بنانے کی اجازت طلب
نئی دہلی (نیوز ڈیسک) ہندوستان میں انتہا پسندوں کی جانب سے ایک اور تاریخی مسجد کو شہید کر کے مندر تعمیر کرنے کی سازش شروع کر دی گئی ہے، بابری مسجد کیس میں بی جے پی کی اعلیٰ قیادت سمیت تمام 32 ملزمان کو بری کرنے سے انتہاپسندوں کے حوصلے بلند ہوگئے ہیں اور انہوں نے دہلی کی قدیمی اور تاریخی قطب مینار کی مسجد قوت الاسلام کے خلاف عدالت سے رجوع کر کے وہاں مندر تعمیر کرنے اور پوجا کرنے کا حق مانگا ہے ، دہلی کی عدالت میں دائر درخواست میں دعویٰ کیا گیا ہے کہ مسجد قوت الاسلام در اصل 27 مندروں کو توڑ کر تعمیر کی گئی تھی ،درخواست میں مسجد قوت الاسلام کی جگہ دوبارہ مندر تعمیر کرنے اور 27 دیوی دیوتاو ¿ں کی پوجا کرنے کے حق کا مطالبہ کیا گیا ہے