بعض عرب ممالک کے اسرائیل سے تعلقات بڑاجرم ہے، فلسطینی اسمبلی

تعلقات کاقیام عرب اور مسلم اقوام کے مستقبل سے غداری ہے
رام اللہ (نیوز ڈیسک) فلسطین کی قانون ساز کونسل نے بعض عرب ممالک کی غاصب صہیونی حکومت کے ساتھ تعلقات معمول پر لانے کی کوششوں کو ایک بڑا سیاسی جرم اور تاریخی غلطی قرار دیا ہے، کونسل نے اپنے ایک بیان میں واضح کیا ہے کہ بعض عرب ممالک کا اسرائیل سے تعلقات قائم کرنا، اپنے نظریات سے انحراف اور عرب اور مسلم اقوام کے مستقبل سے غداری ہے، کونسل نے سعودی عرب سمیت دیگر ممالک میں دکھائے جانیوالے ڈراموں کی طرف اشارہ کرتے ہوئے کہا کہ ان ٹی وی ڈراموں میں غاصب صہیونی حکومت کے خلاف جنگ کے حقائق کو تبدیل اور تاریخی حقائق کو توڑ مروڑ کر پیش کیا جا رہا ہے۔