ایف اے ٹی ایف نے ایران کو بلیک لسٹ کردیا

فیصلہ امریکااور اسرائیل کے دبا ؤ پر کیا گیا،فرق نہیں پڑے گا،ایران
پیرس (نیوزڈیسک)فنانشنل ایکشن ٹاسک فورس (ایف اے ٹی ایف)نے ایران کو انسداد عالمی دہشت گردی کی مالی معاونت کے طے شدہ اصولوں پر عمل درآمد میں ناکامی پر بلیک لسٹ کردیا،ایف اے ٹی ایف کا کہنا ہے کہ ایران کے ساتھ لین دین کی مزید جانچ پڑتال ہوگی، ایران میں فنانسنگ تنظیموں کا آڈٹ ہوگا، ایران کے ساتھ کام کرنے والے بینکوں اور کاروباری اداروں پر دباو ڈالا جائے گا،ایران کے مرکزی بینک کے گورنر عبدالناصر ہمتی نے کہا ہے کہ ایران کو بلیک لسٹ کرنے سے غیر ملکی تجارت پر کوئی اثر نہیں پڑے گا، ایف اے ٹی ایف کا فیصلہ امریکااور اسرائیل کے دبا ؤ پر کیا گیا ہے،انہوں نے اس اقدام کو ایک سیاسی اور غیر تکنیکی طرز عمل قرار دیاہے۔