Raza Musani 
تہران: ایران کے صدارتی امیدوار سید ابراہیم رئیسی نے کہا ہے کہ ایران کے شیعہ اور سنی مسلمانوں کے مفادات پوری طرح مشترک ہیں اور وہ ایک دوسرے کے ساتھ اچھی زندگی گزار رہے ہیں۔ تہران میں اہلسنت علما اور دانشوروں کے ایک گروپ سے خطاب میں آیت اللہ ابراہیم رئیسی نے کہا کہ 8 سالہ دفاع مقدس کے دوران ملک کے اہل سنت بھائیوں نے 13 ہزار شہیدوں کی قربانیاں پیش کی ہیں۔ ملک میں آباد نسلی اکائیوں ، شیعوں اور سنیوں کے درمیان امتیاز قابل قبول نہیں ہے۔ ملک میں کوئی فرسٹ کلاس اور سیکنڈ کلاس شہری نہیں سب کے حقوق برابر ہیں اور وسائل کی تقسیم منصفانہ طریقے سے ہونا چاہیے۔
