ایران کیخلاف امریکی پابندیاں غیر انسانی ہیں،روس،ترکی

پابندیاں سیاسی ہتھیار میں تبدیل ہوچکی ہیں،دونوں ممالک کی امریکا کی مذمت
ماسکو/انقرہ(نیوز ڈیسک) ترکی اور روس نے ایران پر پابندیوں کی مذمت کرتے ہوئے انہیں غیر انسانی قرار دیا ہے،روس کی قومی سلامتی کے نائب سربراہ دیمیتری مدودیف نے کہا کہ عالمی سطح پر کورونا وائرس کے پھیلاوکے موقع پر امریکی پابندیاں غیر اخلاقی اور غیر انسانی ہیں،انہیں ختم ہونا چاہئے، ادھرترکی کے وزیر خارجہ چاووش اوغلو نے کہا ہے کہ ایران کے خلاف امریکاکی پابندیاں ظالمانہ اور غیر انسانی ہیں، امریکی پابندیاں ایک سیاسی ہتھیار میں تبدیل ہوچکی ہیں جس کا مقصد ان ممالک کو نقصان پہنچانا ہے جو واشنگٹن کی پالیسیوں کی مخالفت کرتے ہیں، امریکی پابندیاں نہ فقط ایران کو نقصان پہنچا رہی ہیں بلکہ اس کے ہمسایہ ممالک کو بھی اس سے نقصان پہنچ رہا ہے اور یہ آزاد تجارت کے خلاف ہے۔