ایران نے پہلا ملٹری سیٹلائٹ کامیابی سے خلا میں بھیج دیا

جدید ترین 3D ریڈار سسٹمز کا افتتاح، رینج 800 کلومیٹر تک ہے
تہران(نیوز ڈیسک) ایران کی سپاہ پاسداران انقلاب فورس نے ملک کا پہلا ملٹری سیٹیلائٹ کامیابی کے ساتھ خلا میں بھیج دیا،سیٹلائٹ قاصد راکٹ کے ذریعہ خلا میں بھیجا گیا جو زمین سے 425 کلو میٹر کے فاصلے پر کامیابی کے ساتھ مدار میں پہنچ گیا،دوسری جانب ایران کے اندر تیار کئے گئے جدید ترین 3D ریڈار سسٹمز کا افتتاح کردیا گیا، ریڈار سسٹمز کی رینج 800 کلومیٹرز تک ہے جو جدید ترین 3D ٹیکنالوجی سے بھی لیس ہیں،یہ ہر قسم کے بیلسٹک میزائلوں اور ریڈار میں نہ آنے والے (اسٹیلتھ) اہداف کو ٹریک کرنے کی صلاحیت رکھتے ہیں،خلیج فارس ریڈار سسٹم کی رینج 800 کلومیٹر اور مراقب ریڈار سسٹم کی رینج 400 کلومیٹر ہے۔