ایران میں صدارتی انتخاب کل ہونگے، ابراہیم رئیسی مضبوط ترین امیدوار

تہران : ایران میں 13 ویں صدارتی انتخابات کیلئے جمعہ کو ووٹ ڈالے جائیں گے، دو امیدواروں محسن مہر علی زادہ اور علی رضا زاکانی نے انتخابی مہم کے آخری دن اپنے نام واپس لے لئے ہیں، محسن مہر علی زادہ نے کسی کی حمایت کا اعلان نہیں کیا ہے لیکن علی رضا زاکانی نے سید ابراہیمی رئیسی کی حمایت کردی، میدان میں چار امیدوار ایرانی عدلیہ کے سربراہ ابراہیم رئیسی، محسن رضائی، امیر حسین قاضی زادہ ہاشمی اور عبد الناصر ہمتی باقی رہ گئے ہیں، پریس ٹی وی کے سروے میں ابراہیم رئیسی کو مضبوط ترین امیدوار قرار دیا ہے، سروے کے مطابق انہیں 57 فیصد ووٹ ملنے کی توقع ہے، جبکہ محسن رضائی کو 6فیصد کے قریب ووٹ ملنے کا امکان ہے، ایران میں 5 کروڑ 93 لاکھ افراد ووٹ ڈالنے کے اہل ہیں۔