انتخابات میں ایرانی قوم عظیم فاتح، دشمنوں کو پھر مایوس کردیا، ولی امر مسلمین

تہران : ولی امر مسلمین آیت اللہ سید علی خامنہ ای نےانتخابات میں ایرانی قوم کی بھر پور شرکت پر مبارکباد پیش کرتے ہوئےعوام کو الیکشن کا عظیم فاتح قرار دیا ہے اور کہا کہ ایرانی قوم کا پختہ عزم ہرمشکل پر غالب آگیا ، انتخابات میں عوام نے ولولہ انگیز اور پرجوش شرکت کے ذریعہ اپنی تابناک اور درخشاں تاریخ میں ایک نئے باب کا اضافہ کیا ہے، جوملک بھر میں پولنگ اسٹیشنوں پر آپ کے ہجوم کے دلکش مناظر، پختہ عزم، امیدوں سے معمور دل اور بیدار نظر کی واضح علامتیں ہیں، ایرانی قوم صدارتی انتخابات کی سب سے بڑی فاتح ہے جس نے معاشی مشکلات، انتخابات میں عدم شرکت کے سلسلے میں منافقین اور مخالفین کے پروپیگنڈے، کورونا وائرس کی عالمی وبا اور انتخابات کے ابتدائی مراحل میں بعض موانع کے باوجود انتخابات میں بڑھ چڑھ کر حصہ لیا، قوم نے انتخابی میدان میں حاضر ہوکر انقلاب اسلامی کے دشمنوں کو ایک بار پھر مایوس کیا، انہوں نے کہا کہ میں اس عظیم فتح پر اللہ تعالی کی بارگاہ میں سجدہ شکر ادا کرتا ہوں جس نے اس امتحان میں ایرانی قوم کو سرفرازی ، سربلندی عطا کی اور اپنی رحمت سے نوازا، صدارتی انتخابات اور بلدیاتی کونسلوں میں کامیاب امیدواروں کو بھی مبارکباد پیش کرتا ہوں اور انھیں سفارش کرتا ہوں کہ وہ اس عظیم قوم کی مخلصانہ خدمت کو اپنے لئے فخر سمجھیں اور اس قوم کی قدر کریں، ولی امر مسلمین نے کہا کہ میں حضرت ولی عصر امام زمانہ (عج) کو سلام پیش سلام کرتا ہوں کیونکہ وہی اس ملک کے اصلی مالک ہیں اور حضرت امام خمینیؒ اور شہداء کو خراج عقیدت پیش کرتا ہوں۔