Raza Musani 
کیف : امریکی صدر جوبائیڈن نے یوکرین کا غیر اعلانیہ دورہ کیا اور روس کیخلاف جنگ میں مکمل حمایت کا اعادہ کیا۔ امریکی صدر جو بائیڈن دورہ پولینڈ کے بعد اچانک کیف پہنچے جہاں ان کا پرتپاک استقبال کیا گیا۔ جوبائیڈن نے اپنے یوکرینی ہم منصب ولادیمیر زیلنسکی سے ملاقات کی اور 50 کروڑ ڈالر کی اضافی امداد کا وعدہ کیا۔ امریکا جنگ شروع ہونے کے بعد سے یوکرین کی 24 ارب ڈالر سے زائد عسکری امداد کرچکا ہے۔ زیلنکسی نے بائیڈن کے دورے کو تعاون کی اہم علامت قرار دیا۔ انہوں نے کہاکہ جوبائیڈن سے بات چیت سود مند رہی اور انہوں نے مکمل مدد کا یقین دلایا ہے۔ فرانسیسی صدر میکرون بات چیت سے جنگ ختم ہونے کا مشورہ دیکر اپنا وقت ضائع کر رہے ہیں۔ جنگ شروع ہونے کے بعد بائیڈن کا یوکرین کا یہ پہلا دورہ ہے۔
