امریکا: بارڈرپر ایرانیوں کو روکنے کی ہدایت کی گئی

لبنان یا فلسطینی علاقوں میں پیدا ہونے والوں کی بھی جانچ کی جائے،امریکا
واشنگٹن(نیوز ڈیسک) کسٹم اور بارڈر پروٹیکشن کے ایک اندرونی میمو سے انکشاف ہوا ہے کہ جنوری کے شروع میں ایرانی جنرل قاسم سیلمانی کی ہلاکت کے تناظر میں امریکا کینیڈا سرحدی پوائنٹس پر بارڈر افسران کو ایرانی نژاد مسافروں کو حراست میں لینے اور ان سے پوچھ گچھ کرنے کی ہدایت کی گئی تھی، جبکہ ایجنسی اس سے انکار کرتی رہی ہے، سی این این کے مطابق بارڈر سیکیورٹی کو ہدایت کی کہ ایران، لبنان یا فلسطینی علاقوں میں 1961 سے 2001 کے درمیان پیدا ہونے والے کسی بھی فرد کو جانچنا چاہئے،خاص طور پر ایران اور اس کے خطے سے تعلق رکھنے والے کچھ ممکنہ ہمدردوں پر توجہ دی جارہی ہے۔