امریکا اندرونی وبیرونی سطح پر زوال کا شکار ہے، سینیٹر مشاہد حسین

ایرا ن چین سمجھوتہ امریکا کے لئے چیلنج اور پاک ایران تعلقات کیلئے خوش آئندہے
اسلام آباد(نیوز ڈیسک) سینیٹ کی خارجہ امور کی کمیٹی کے سربراہ سینیٹر مشاہد حسین سید نے ایرا ن اور چین کے درمیان تعاون کے 25 سالہ سمجھوتے کو امریکا کے لئے چیلنج اور پاکستان ایران تعلقات کے لیے خوش آئند قرار دیا ہے، سینیٹر مشاہد حسین سید کا کہنا تھا کہ دنیا کے حالات بڑی تیزی کے ساتھ بدل رہے ہیں اور طاقت کا توازن مغرب سے مشرق کی جانب منتقل ہو رہا ہے، چین و ایران کے ساتھ پاکستان کے تعلقات انتہائی قریبی اور دیرینہ ہیں اور اسلام آباد کو تہران بیجنگ تعاون پر خوشی محسوس ہو رہی ہے، امریکا کے پاس نہ تو چین جیسی قیادت اور وسائل ہیں اور نہ ہی عالمی حالات اس وقت امریکا کے حق میں ہیں، امریکا اندرونی اور بیرونی دونوں سطح پر زوال کا شکار ہے اور بلاشبہ اکیسویں صدی ایشیا کی صدی ہوگی۔