القدس پر کوئی امریکی فیصلہ قبول نہیں،فلسطینی حکومت

بیت المقدس کے سلسلے میں فلسطین کا موقف ثابت و پائیدار ہے
مقبوضہ بیت المقدس(نیوز ڈیسک) فلسطینی انتظامیہ نے مقبوضہ بیت المقدس کے بارے میں کسی بھی طرح کے امریکی فیصلے کو مسترد کردیا ہے،حکومتی ترجمان نبیل ابو ردینہ نے کہا ہے کہ بیت المقدس کے سلسلے میں فلسطین کا موقف ثابت و پائیدار ہے اور فلسطینی انتظامیہ، اسرائیل کے غاصبانہ قبضے کے خاتمے اور ایسی فلسطینی مملکت کی تشکیل کی خواہاں ہے جس کا دارالحکومت بیت المقدس ہو، انھوں نے سینچری ڈیل نامی امریکاکے سازشی منصوبے کو بھی مسترد کردیا۔