اسرائیلی دوستی ،امریکا نے امارات کا اسلحہ معاہدہ بحا ل کردیا

یو اے ای کو 35 ڈرون جہاز اور دیگر جدید آلات دیے جائیں گے
واشنگٹن(نیوز ڈیسک) بائیڈن انتظامیہ نے متحدہ عرب امارات کے ساتھ 23 ارب ڈالر مالیت کا اسلحہ فروخت کرنے کے معاہدے کو بحال کرنے کا فیصلہ کرلیا ہے ،اس ڈیل کے تحت یو اے ای کو 35 ڈرون جہاز اور دیگر جدید آلات دیے جائیں گے ۔ اس معاہدے کی بابت جو بائیڈ ن انتظامیہ نے کانگریس کو بتایا ہے کہ ہم ٹرمپ انتظامیہ کی جانب سے متحدہ عرب امارات کے ساتھ ہونے والی23ارب ڈالر سے زائد اسلحے کی فروخت کے معاہدے کو آگے بڑھا رہے ہیں ،یاد رہے کہ یہ ڈیل ٹرمپ انتظامیہ نے متحدہ عرب امارات کے ساتھ کی تھی، تاہم بائیڈن انتظامیہ نے اس معاہدے پر عمل درآد کومزید نظر ثانی کے لیے روک دیا تھا، حالانکہ کہ ٹرمپ کے واءٹ ہاوَس چھوڑنے سے قبل فروخت کا معاملہ حتمی ہوچکا تھا