اربعین حسینی ؑپر عزاداروں کا سمندر،پاکستان میں نئی تاریخ رقم

چہلم کے جلوسوں میں عزاداروں کی تاریخ ساز شرکت، 73 سالہ ریکارڈ ٹوٹ گیا، کراچی سے اسکردو تک لبیک یاحسین ؑ ، حسینیت زندہ باد اور یزیدیت مردہ باد کے فلک شگاف نعرے
اربعین پر پورا ملک سیاہ پوش، کراچی کے مرکزی جلوس میں کربلا کا منظر، لاکھوںعزاداروں کی شرکت، درجنوں موکب اور اسٹالز، کروڑوں روپے کی نیاز تقسیم
 کراچی(نیوز ڈیسک)پاکستان میںرواں سال اربعین امام حسین ؑ پر نئی تاریخ رقم ہوگئی، جلوسوں میں عزاداران حسینی ؑ کی بھرپور شرکت نے پاکستان کی73 سالہ تاریخ کے سارے ریکارڈ توڑ ڈالے، کراچی سے اسکردو تک فضا لبیک یاحسین ؑ ، حسینیت زندہ باد اور یزیدیت مردہ باد کے فلک شگاف نعروں سے گونج اٹھی، شیعہ ،سنی، ہندو،سکھ او رعیسائی محبان اہلبیتؑ پاکستانیوں نے جلوسوں میں شرکت کرکے دشمنان اسلام، اہل بیت ؑ اوروطن کے تمام ناپاک منصوبوں کو خاک میں ملادیا، تمام چھوٹے بڑے شہروں، قصبوں، دیہاتوں میں عزاداروں کی جلوسوں میں ناقابل یقین شرکت نے دنیا بھرکو ورطہ حیرت میں ڈال دیا، اربعین پر پورا ملک سیاہ پوش نظر آیا، کراچی کے مرکزی جلوس کا روٹ کربلا کا منظر پیش کررہا تھا،جلوس چہلم امام حسینؑ میں لاکھوںعزاداروں کی شرکت، جن میں بزرگ، جوان مردو خواتین عزاداروں سمیت شیر خوار بچوں کی بھی بڑی تعداد موجود تھی، عزاداروں کیلئے درجنوں موکب و اسٹال لگائے گئے جہاں سے کروڑوں روپے کی نیاز تقسیم کی گئی، سبیلوں پر پانی اور مختلف اقسام کے مشروب پلائے جاتے رہے، لاہور، اسلام آباد، گلگت، بلتستان، کوئٹہ، ملتان ، پشاورسمیت دیگر شہروں میں شبیہ علم ، تابوت اور ذوالجناح کے عظیم الشان جلوس برآمد ہوئے، جن میں ریکارڈ تعداد میں عزاداروں نے شرکت کی اور تکفیریوں کے منہ پر زوردار طمانچہ رسید کیا، اور واضح کردیا کہ ملک کی سرزمین پر تکفیریوں کی کوئی جگہ نہیں۔