آئی ایس او کا مرکزی کنونشن نومبر میں لاہور میں ہوگا

مجلس عاملہ کا فروغ عزاداری کیساتھ ساتھ تحفظ عزاداری کا عزم
 ٹیکسلا(نیوز ڈیسک) امامیہ اسٹوڈنٹس آرگنائزیشن پاکستان کا مرکزی کنونشن نومبر میں لاہور میں منعقدہوگا ،اس بات کا فیصلہ ٹیکسلا میں مجلس عاملہ کے تین روزہ اجلاس میں کیا گیا،تین روزہ کنونشن میں علمائے کرام، وکلا حضرات، دانشور، انجنیئرز اور پاکستان بھر کے تعلیمی اداروں کے طلبا بھی شریک ہونگے، کنونشن کے اہم پروگرامات میں، انٹرنیشنل تعلیمی سیمینار، محفل دوستان، اسٹڈی سرکلز، شب شہدا اور محب کنونشن سمیت نئے مرکزی صدر کا انتخاب اور ریلی شامل ہیں۔ اجلاس عاملہ کے اراکین نے متفقہ طور پہ محرم الحرام میں فروغ عزاداری کیساتھ ساتھ تحفظ عزاداری کے عزم کا اظہار کیا، تحفظ عزاداری مہم کے تحت خدمت مہم کو ملک کے گوش و کنار میں عام کیا جائے گا