یورپ نے ایران کی کوئی مددنہیں کی،ڈاکٹر حسن روحانی

تجارتی لین دین کیلئے بنایا گیا نظام بھی فیل ہوگیا، اطالوی وزیراعظم سے گفتگو
تہران (نیوزڈیسک) یورپی ممالک نے امریکی پابندیوں کے خلاف ایران کی کوئی مدد نہیں،ان خیالات کا اظہار ایران کے صدر ڈاکٹر حسن روحانی نے اٹلی کے وزیر اعظم جوزیپے کونٹ کے ساتھ ٹیلیفون پر گفتگو کے دوران کیا،انہوں نے کہاکہ سخت صورتحال میں بھی ایرانی عوام پر امریکی پابندیوں کا برقرار رہنا انتہائی غیر انسانی اقدام اوربین الاقوامی قوانین کے بھی خلاف ہے، انتہائی افسوس کے ساتھ کہنا پڑ رہا ہے کہ یورپ کے ایران کے ساتھ تجارتی لین دین کے لئے بنایا گیا نیا تجارتی مالیاتی نظام (انسٹکس-INSTEX) کوئی خاطر خواہ و موثر قدم نہیں اٹھاسکا، انہوں نے کہاکہ دنیا کے ممالک ایک دوسرے کی مدد کے بغیر الگ تھلگ رہتے ہوئے اس سخت بحران سے کامیابی کے ساتھ باہر نہیں نکل پائیں گے۔