نگران مشیر خزانہ گلگت بلتستان وقار عباس نے وفاقی وزیر سائنس اینڈ ٹیکنالوجی فواد چوہدری سے ملاقات کی اور جی بی کے اہم ایشوز پر تبادلہ خیال کیا۔ اس موقع پر نگران صوبائی مشیر کے مطالبے پر وفاقی وزیر فواد چوہدری نے جی بی میں سائنس اینڈ ٹیکنالوجی ڈیپارٹمنٹ کھولنے کا اعلان کرتے ہوئے کہا کہ ٹیکنالوجی کو فروغ دینے کیلئے وفاقی حکومت ہر ممکن سپورٹ فراہم کرے گی۔ جیمز، جیولری کٹنگ اور پالیشنگ انسٹی ٹیوٹ کا جلد افتتاح کیا جائے گا اور ساتھ ہی صوبے میں فروٹ پروسیسنگ سینٹر بھی قائم کیا جائے گا۔ انہوں نے کہا کہ بہت جلد گلگت میں پی سی آئی آر آفس کا قیام بھی عمل میں لایا جا رہا ہے۔ گلیشئرز اور جیم سٹون پر ریسرچ اور نئی ٹیکنالوجی متعارف کرائی جائے گی۔
