کورونا کی تخلیق، امریکی ادارے اور ٹرمپ آمنے سامنے

وائرس چینی لیبارٹری میں بنایا گیا، ٹرمپ ،کوئی شواہد نہیں ملے ،خفیہ ادارے
واشنگٹن(نیوز ڈیسک) امریکی صدر ڈونلڈ ٹرمپ نے اپنے ملک کی خفیہ ایجنسیوں کی کورونا وائرس سے متعلق رپورٹ کو مسترد کردیا اور دعویٰ کیا ہے کہ انہوں نے کورونا وائرس کی ایک چینی لیبارٹری میں تیاری سے متعلق ثبوت دیکھے ہیں، وائٹ ہاو¿س میں بریفنگ کے دوران ایک سوال کے جواب میں صدر ٹرمپ نے کہا کہ انہوں نے وائرس کے چین میں ووہان انسٹیٹیوٹ آف وائرولوجی سے شروع ہونے کے شواہد دیکھے ہیں، لیکن انھوں نے اس کی تفصیلات فراہم نہیں کیں ، اس سے پہلے تمام امریکی خفیہ اداروں نے وائرس لیبارٹری میں تیار کرنے کے مفروضوں کو مسترد کردیا تھا، خفیہ اداروں کے منتظم ڈائریکٹر آف نیشنل انٹیلی جنس کے دفتر سے جاری بیان میں کہا گیا کہ ابھی بھی یہ معلوم کیا جا رہا ہے کہ وائرس کیسے شروع ہوا لیکن اس بات کی تصدیق کر لی گئی ہے کہ کورونا وائرس انسان کا بنایا ہوا نہیں اور نہ ہی اسے جینیاتی تبدیلی کے ذریعے بنایا گیا ہے۔