کراچی میں دہشت گردی کی دو وارداتیں،4افراد زخمی

جامعہ کراچی میں رینجرز پر حملہ ،کلفٹن میں چینی باشندے کی گاڑی پر بم لگایاگیا
کراچی (نیوز ڈیسک) کراچی میں ایک دن میں دہشت گردی کی وارداتیں سامنے آئی ہیں،جامعہ کراچی شیخ زید اسلامک ریسرچ کے گیٹ کے سامنے نامعلوم موٹر سائیکل سوار دہشت گرد کریکرپھنک کر فرار ہو گئے ،جس کے نتیجے میں 2رینجرز اہلکاراور نجی کمپنی کے سیکیورٹی گارڈ سمیت 4افراد زخمی ہو گئے ، زخمیوں کو فوری اسپتال منتقل کردیا گیا،ادھر کلفٹن میں چینی عملے کی جانب سے پولیس کوبروقت اطلاع دیے جانے پر شہر دہشت گردی سے بچ گیا ،بم ڈسپوزل یونٹ نے ڈبل کیبن گاڑی پرلگی بم ڈیوائس ناکارہ بنا دی،مقناطیسی ڈیوائس کو موٹر سائیکل سوار ملزمان نے چینی عملے کی گاڑی پر چسپاں کیا تھا،سندھودیش ریو لیشنری آرمی نے دونوں حملے کی ذمہ داری قبول کرلی ہے