وزیر اعظم عمران خان کا چینی ہم منصب کو ٹیلی فون، داسو واقعہ کی جامع تحقیقات کی یقین دہانی

اسلام آباد: وزیراعظم عمران خان نے چینی ہم منصب کو ٹیلی فون کرکے داسو حادثے میں چینی باشندوں کی قیمتی جانوں کے ضیاع پر اظہار افسوس کیا، وزیراعظم عمران خان نے چینی ہم منصب لی کی چیانگ کو ٹیلی فون کیا، اور اپرکوہستان میں ہونے والے داسو حادثے میں چینی باشندوں کی قیمتی جانوں کے ضیاع پر افسوس کا اظہار کرتے ہوئے کہا کہ پاکستانی عوام اور حکومت متاثرہ چینی خاندانوں کے غم میں برابر کی شریک ہیں، عمران خان نے چینی ہم منصب کو معاملے کی جامع تحقیقات کی یقین دہانی بھی کرائی، وزیراعظم نے چینی ہم منصب کو بتایا کہ حکومت زخمیوں کو بہترین طبی سہولیات فراہم کر رہی ہے، پاکستان میں تمام چینی باشندوں کی مکمل سیکیورٹی حکومت کی اولین ذمہ داری ہے، دشمن قوتوں کو برادرانہ تعلقات کو نقصان پہنچانے کی ہرگز اجازت نہیں دیں گے۔