لبنانی حلقے دو سابق وزرا پر امریکی پابندی پر برہم

پابندی قومی اقتدار اعلی کو نشانہ بنانے کے مترادف ہے ،امل تحریک
بیروت (نیوز ڈیسک) حزب اللہ نے لبنان کے دو سابق وزرا پر امریکی پابندیوں کی مذمت کرتے ہوئے ظالمانہ امریکی فیصلے کو بے داغ اور سچے افراد اور ان تمام لوگوں کیلئے اعزازی میڈل قراردیا ہے جن پر امریکہ استقامتی تحریک اور حزب اللہ کی حمایت کا الزام لگاتا ہے ، امل تحریک نے بھی اپنے سابق وزرا پر پابندی کو لبنان کے قومی اقتدار اعلی کو نشانہ بنانے کے مترادف قرار دیا ہے ، تحریک امل نے کہا کہ لبنان کے سابق وزیرخزانہ علی حسن خلیل پر پابندی کا امریکی مقصد ملک میں وسیع البنیاد حکومت کی تشکیل کیلئے سیاسی جماعتوں کو اتفاق رائے تک پہنچنے سے روکنا ہے ،امریکی وزارت خزانہ نے سابق وزیر ٹرانسپورٹ یو سف فینانوس اور وزیرخزانہ علی حسن خلیل پر حزب اللہ کی حمایت کرنے کے الزام میں پابندی عائد کردی ، صدر میشل عون نے اپنے وزیر خارجہ کو ہدایت دی ہے کہ وہ بیروت میں امریکی سفارت خانے سے رابطہ کر کے امریکہ کے ہاتھوں لبنان کے دو سابق وزرا پر پابندی لگانے کی وضاحت طلب کریں