Ilyas 
کراچی دھرنے کے تین ہفتے گذر گئے لیکن حکومت ٹس سے مس نہ ہوسکی ، یوم شہادت علی ع کے جلوس عزا میں منظم احتجاج ہوگا، ملت جعفریہ کے بچے گورنر ہاوس کے باہر احتجاج کرینگے
ریاست مدینہ میں لوگ اپنے پیاروں کی رہائی کی بھیک مانگ رہے ہیں، لیکن سنوائی نہیں ہورہی ہے،مولانا حیدر عباس، بازیابی کیلئے عوامی رابطہ مہم شروع کریں گے ،علامہ احمد اقبال
کراچی (نیوز ڈیسک) لاپتہ افراد کی بازیابی کیلئے دھرنے کے تین ہفتے گذر گئے لیکن حکومت ٹس سے مس نہ ہوسکی ،جوائنٹ ایکشن کمیٹی فار شیعہ مسنگ پرسنز نے مطالبات پورے نہ ہونے پر یوم شہادت علی ع کے جلوس عزا میں منظم احتجاج کا اعلان کردیا، لاپتہ افراد کے بچوں کے ہمراہ ملت جعفریہ کے بچے گورنر ہاو س کے باہر احتجاج کرینگے،لاپتہ افراد کی بازیابی کیلئے دھرنا جاری رکھا جائے گا، جمعہ، ہفتہ، اتوار کو پر امن علامتی دھرنے دئے جائیں گے، صدرمملکت کے گھر کے باہر بھی احتجاج کیا جائے گا، مزار قائد کے باہر دھرنے میں مختلف مذ ہبی اور سیاسی تنظیموں کے رہنماو ں نے اظہار یکجہتی کیلئے شرکت کی اور مطالبات کی حمایت کرتے ہوئے لاپتہ افراد کو بازیاب کرانے کا مطالبہ کیا،جوائنٹ ایکشن کمیٹی فار شیعہ مسنگ پرسنز کے مرکزی رہنما مولانا حیدر عباس عابدی نے دھرنے کے شرکا سے خطاب میں کہا کہ پورے ملک سے محب وطن عوام لاپتہ ہیں، سندھ سے بلوچستان سے لوگ لاپتہ ہیں، ریاست مدینہ میں لوگ اپنے پیاروں کی رہائی کی بھیک مانگ رہے ہیں، عدلیہ روز ریاستی اداروں سے مسنگ پرسنز کی بازیابی کا مطالبہ کر رہی ہے لیکن کوئی سنوائی نہیں ہورہی ہے، علامہ احمد اقبال رضوی نے کہا کہ جبری گمشدہ افراد کی بازیابی کیلئے عوامی رابطہ مہم شروع کریں گے، اگر لاپتہ افراد کو بازیاب نہ کیا گیا تو 21 رمضان المبارک کے جلوس عزا کو روک کر احتجاج کریں گے، لاپتہ افراد کی بازیابی کیلئے اپنے احتجاج کو بڑھا رہے ہیں یہ ہمارا قانونی و آئینی حق ہے
