فلسطینیوں کی تحریک صیہونیوں کی نابودی کا آغاز ثابت ہوگی،مقتدیٰ صدر

بائیڈن نے صیہونی دشمنوں کو جنگ کی اجازت دی ،ٹوئٹ
بغداد (نیوز ڈیسک) صدر پارٹی عراق کے رہنما سید مقتدی صدر نے عرب ممالک کا قابض اسرائیلی حکومتوں کے غزہ پر جاری جارحیت کے خلاف ردعمل پر شدید تنقید کرتے ہوئے اسے شرمناک قرار دیا ہے،انہوں نے ٹوئٹ کیا کہ فلسطین میں اٹھنے والی تحریک صیہونیوں کی نابودی کا آغاز ثابت ہوگی، غزہ کے واقعات ایک مشکل جنگ ہیں جس کا آغاز فلسطینی عوام کے خلاف صیہونی دشمن نے کیا ہے ،امریکی صدر نے صیہونی دشمنوں کو اس جنگ کی اجازت دی ، بائیڈن جنگ شدت اختیار کرنے پر کہتا ہے کہ اسرائیل کو جنگ روکنا چاہئے، انہوں نے کہا کہ مصر اس صورت حال میں جنگ بندی کے لئے دشمنوں سے رابطہ برقرار کر رہا ہے،ہمیں امید تھی کہ مصر مقبوضہ فلسطین اور فلسطینی بھائیوں کے خلاف جاری وحشیانہ جارحیت پر شدید اور فیصلہ کن ردعمل کا مظاہرہ کرے گا انہوں نے مزید کہا کہ اس صورت حال میں،ہم مسئلہ فلسطین کے دفاع پر مامور کچھ حکام کے شرمناک ردعمل کا مشاہدہ کر رہے ہیں۔عربی غیرت اور اسلامی اور انسانی ضمیر اس پر اثر انداز نہیں ہوئے۔