شہید سلیمانی خطے میں امریکاکو گھٹنوں تک لے آئے، شیخ نعیم قاسم

امریکی مداخلت اور ظالم رہنما خطے میں تمام مسائل کی جڑ ہیں،کانفرنس سے خطاب
بیروت(نیوز ڈیسک) حزب اللہ کے ڈپٹی سیکریٹری جنرل شیخ نعیم قاسم نے کہا ہے کہ امریکی مداخلت اور جابرانہ ظالم رہنما خطے میں تمام مسائل کی جڑ ہیں، ایرانی اور عالمی سائنسدانوں اور مفکرین کی آن لائن کانفرنس سے خطاب میں شیخ نعیم قاسم نے کہا کہ امریکا علاقائی ممالک کی قومی دولت اور سہولیات سمیت تیل کو لوٹ رہا ہے، امریکادھمکیوں کے علاوہ ثقافتی جہت میں علاقے کے نوجوانوں کو ان مقاصد کی طرف راغب کرنا چاہتا ہے جو ہمارے مفادات کے منافی ہیں، شہید سلیمانی حقیقتا خطے میں امریکاکو اپنے گھٹنوں تک لے آئے، شہید سلیمانی عالم اسلام میں ایک بہت ہی بڑے ماڈل کے طور پر ابھرے اور انہوں نے مزاحمت کے میدان میں ایسے منصوبے پیش کیے جن کے ذریعے وہ ایک نئے مرحلے کی بنیادرکھنے میں کامیاب رہے،وہ مزاحمتی کمانڈروں سے براہ راست رابطے میں رہتے ہوئے کبھی بھی ممالک کے اندرونی معاملات میں مداخلت نہیں کرتے تھے