امریکی انخلا، دنیا کا سب سے بڑا کارگو طیارہ کابل پہنچ گیا

کابل : دنیا کا سب سے بڑا اور بھاری سامان لے جانے والا کارگو طیارہ افغان دارالحکومت کابل پہنچ گیا ہے جو بھاری جنگی سازو سامان لے کر جمعرات کی سہہ پہر افغانستان سے روانہ ہوگا۔ یوکرائنی کارگو ایئر لائن کا انتتونو این 225 ماریہ کارگو جہاز یوکرائن کے کییو انٹرنیشنل ایئرپورٹ سے روانہ ہوا تھا اور صبح 3 بج کر 44 منٹ پر کابل انٹرنیشنل ایئر پورٹ پراترا، دسمبر 1988 میں پہلی اڑان بھرنے والا دنیا کا یہ سب سے بڑا اور 32 سال پرانا اسٹریٹجک ہوائی جہاز ہے جس کا کابل آمد اور وہاں سے اگلی منزل کے لیے روانگی کا سرکاری شیڈول تو جاری نہیں کیا گیا ہے لیکن ایوی ایشن ذرائع کے مطابق یوکرائن کی سول رجسٹریشن UR-82060 کا حامل انتونو این 225 ماریہ جمعرات کی سہ پہر کابل سے اپنی اگلی منزل کے لیے روانہ ہوگا۔