Raza Musani 
بھمبر : وزیراعظم عمران خان نے ایک بار پھر کہا ہے کہ افغان جنگ میں امریکا کا ساتھ دینا ہماری سب سے بڑی غلطی تھی بدقسمتی سے ہم غلط راستے پر چلے گئے تھے، ہم نے امداد کے بدلے دوسروں کی جنگ میں شامل ہو کر اپنی قوم کا نقصان کیا ہے کشمیر کے علاقے بھمبر میں اپنی جماعت کے کارکنوں سے خطاب میں وزیراعظم نے کہا کہ دنیا، امداد لینے اور بھیک مانگنے والوں کی عزت نہیں کرتی انہوں نے ماضی کی حکومتوں پر کڑی نکتہ چینی کی اور انہیں عالمی سطح پر پاکستانیوں کا وقار مجروح ہونے کا اصل ذمہ قرار دیا وزیراعظم کا کہنا ہے کہ جنگ افغانستان میں امریکا کا ساتھ دینے کی وجہ سے 70ہزار پاکستانیوں کی قربانی دینا پڑی ہے-
