افغانستان میں شیعہ تعلیمی مرکز پرخودکش حملہ ،24شہید ، درجنوں زخمی

کابل کے شیعہ نشین علاقے دشت پرچی میں تعلیمی ادارے کوثر دانش میں خونریزی ، خود کش حملہ آور کی تعلیمی مرکز میں داخل ہونے کی کوشش
 دہشت گردنے تعلیمی مرکز سے ملحقہ گلی میں ہی خودکودھماکے سے اڑا دیا، شہید اور زخمی ہونے والے وہ طلبا ہیں جو عمارت میں داخل ہونے کا انتظار کر رہے تھے
کابل (نیوز ڈیسک)افغانستان میں ایک بار پھر شیعہ دہشت گردی کی بھینٹ چڑھادئے گئے ،تکفیری دہشت گردوں نے کابل کے شیعہ نشین علاقے دشت پرچی میں تعلیمی ادارے کوثر دانش پر خودکش حملہ کردیا،دہشت گردی کی واردات میں 24 افراد شہید جبکہ درجنوں زخمی ہو گئے، ترجمان وزارت داخلہ کے مطابق خود کش حملہ آور نے تعلیمی مرکز میں داخل ہونے کی کوشش کی سیکیورٹی گارڈز نے اسے اندر داخل ہونے سے روک دیا جس پر دہشت گردنے خود کو گلی میں ہی دھماکے سے اڑا دیا، حملے میں شہید اور زخمی ہونے والے وہ طلبا ہیں جو اس تعلیمی مرکز کی عمارت میں داخل ہونے کا انتظار کر رہے تھے، داعش نے حملہ کی ذمہ داری قبول کرلی،طالبان نے اس حملے میں ملوث ہونے کی تردید کی ہے، واضح رہے کہ ایسی پرتشدد کارروائیاں طالبان اور افغان حکومت میں دوحہ میں ہونے والے مذاکرات کو متاثر کر سکتی ہیں۔