اسرائیلی کو تسلیم کئے بغیر امن ممکن نہیں ،امریکی صد ر کی ڈھٹائی

 اسرائیلی سلامتی کے حوالے سے ہمارے عہد وپیمان میں کوئی تبدیلی نہیں آئی
واشنگٹن (نیوز ڈیسک) امریکی صدر جوبائیڈن نے کہا ہے کہ صیہونی حکومت کی سلامتی کے حوالے سے واشنگٹن کی پالیسیوں میں کوئی تبدیلی نہیں آئی اور خطے کی سلامتی اسرائیل کو یہودی ریاست کے طور پر تسلیم کیے جانے سے مشروط ہے جنوبی کوریا کے صدر مون جائے ان کے ساتھ مشترکہ پریس کانفرنس سے خطاب کرتے ہوئے جوبائیڈن کا کہنا تھا کہ اسرائیل کی سلامتی کے حوالے سے ہمارے عہد وپیمان میں کوئی تبدیلی نہیں آئی ہے، امریکی صدر نے خطے میں اسرائیل کے ناجائز قیام کو نظر انداز کرتے ہوئے انتہائی بے شرمی کے ساتھ کہا کہ جب تک یہ علاقہ اسرائیل کے وجود کو ایک آزاد یہودی ریاست کے طور پر تسلیم نہیں کر لیتا ہے، امن کا کوئی امکان نہیں، جوبائیڈن نے دعوی کیا کہ فلسطین کے عوام کو مدد کی ضرورت ہے اور ہم ان کی مدد کے پابند ہیں