یوکرینی صدر کا یورپ کا دورہ، روس کے بڑے حملوں کا آغاز

ماسکو: روس نے یوکرینی صدر کے یورپی دورے کے بعد بڑی کارروائی کا آغاز کردیا ہے۔روس نے کیف۔ خرکیف اور دیگر شہروں پر شدید گولہ باری کی اور میزائل داغے۔ روس نے اہم تنصیبات کو میزائلوں کا نشانہ بنایا، حملے کے بعد کیف میں زبردست دھماکے سنے گئے۔ یوکرین نے کیف پر داغے گئے دس میزائل تباہ کرنے کا دعویٰ کیا گیا ہے۔ خارکیف میں میزائل بجلی تنصیبات پر لگنے سے سات افراد زخمی ہوگئے۔ یوکرینی حکام کا کہنا ہے کہ روسی افواج کی جانب سےخارکیواور زپوریزہیا میں توانائی کے بنیادی ڈھانچے پرمتعدد حملوں سے روس نے یوکرین کیخلاف بڑی کارروائی شروع کردی ہے۔ برطانوی وزارت دفاع نے کہا ہے کہ روسی افواج نے باخموت اور ووہلیدار میں حکمت عملی سے کامیابیاں حاصل کی ہیں۔روس نے ووہلیدار شہر کے مغربی کنارے کے ارد گرد بھی پیش قدمی کی ہے، جہاں انہوں نے جنوری کے آخر میں جارحانہ کارروائیاں دوبارہ شروع کی تھیں۔