گلگت کو اقوام متحدہ کی قرارادادوں کے مطابق صوبہ بنانا ہوگا

پاکستان اب دوسرے ممالک کی ناراضی سے ڈر کر کام نہیں کرے گا، ڈاکٹر معید یوسف
کراچی(نیوز ڈیسک)وزیراعظم کے معاون خصوصی برائے قومی سلامتی ڈاکٹر معید یوسف نے کہا ہے کہ ہندوستان نے خود کو مقبوضہ کشمیر میں پھنسالیا ہے اب نکلنے کا کوئی راستہ نہیں ،کشمیریوں کی شہادت پر ہم بھی روتے ہیں مگر مسئلہ کشمیر کا حل ایک رات میں ممکن نہیں ، گلگت بلتستان کو اقوام متحدہ کی قراردادوں میں رہتے ہوئے عبوری صوبہ بنانا ہوگا، پاکستان دوسرے ممالک کی ناراضی سے ڈر کر کام کرتا رہا اب ایسا نہیں ہوگا ڈاکٹر معید یوسف نے کہا کہ ہندوستان میں حکمران ٹولہ پاکستان کا وجود ختم کرناچاہتا ہے ، پاکستان کے افغانستان سے تعلقات بہتر ہورہے ہیں ، ہم نہیں چاہتے ہندوستان ہمارے درمیان کوئی دراڑ پیدا کرسکے ،ڈاکٹر معید یوسف کا کہنا تھا کہ امریکا میں تبدیلی کے بعد شاید کشمیر میں انسانی حقوق کی خلاف ورزی پر آنکھیں بند نہیں رہیں گی، بائیڈن کے صدر منتخب ہونے کے بعد پاکستان اور ہندوستان کے معاملات میں تبدیلی پر کچھ کہنا قبل از وقت ہوگا۔