مذہبی ہم آہنگی امریکی منصوبوں کی ناکامی ہے، حزب اللہ

تکفیریت ا ور دہشت گردوں کیلئے ایک فیصلہ کن اور موثر رد عمل ہے
بیروت (نیوزڈیسک) حزب اللہ کے ڈپٹی سیکرٹری جنرل شیخ نعیم قاسم نے کہا ہے کہ تقریب مذاہب کی کوشش، امریکا اور اسرائیل کے مسلم ممالک کو تباہ کرنے اور قبائلی اور مذہبی اختلافات کو ہوا دینے کے منصوبوں کو ناکام بنا دیتی ہے، مذاہب کے مابین ہم آہنگی کی کوشش، تفرقہ انگیزی کو ہوا دینے والے مبلغین، تکفیریت اور ثقافتی و سیاسی دہشت گردوں کیلئے ایک فیصلہ کن اور موثر رد عمل ہے ، حزب اللہ ملک اور امت اسلامیہ کے دشمنوں کے مقابلے میں ہمیشہ بات چیت، تعاون اور رہنمائی پر زور دیتی رہی ہے ، ہم فلسطینی آزادی کے محاذ پر ہمہ وقت موجود رہتے ہوئے،اپنی آزادی کے حق کی حمایت کرتے رہیں گے