لبنانی فوج کے طاقتور ہونے میں سب سے بڑی رکاوٹ امریکا ہے، حسن نصراللہ

بیروت : حزب اللہ کے سیکریٹری جنرل سید حسن نصر اللہ نے کہا ہے کہ مزاحتمی محاذ کے میڈیا کے خلاف امریکی اقدامات نے آزادی اور آزادی بیان کے اس کے نعرے کے جھوٹ کو ثابت کر دیا ہے۔سید حسن نصر اللہ نے کہا کہ مزاحمتی محاذ کی ویب سائٹوں کو بلاک کرنے کا امریکی اقدام، امریکی حکومت کے دعوؤں کے کھوکھلا ہونے کا ثبوت ہے۔ مزاحمتی محاذ کی ویب سائٹوں کو محدود کرنا، کوئی اتفاقی واقعہ نہیں ہے کیونکہ ان سائٹوں نے "قدس کی تلوار” نامی آپریشن میں فلسطینی قوم کے ساتھ یکجہتی کا اظہار کیا اور صیہونی دشمن و تکفیری دہشت گردوں کے خلاف موقف اختیار کیا اور سب سے اہم بات یہ ہے کہ ان میں سے کچھ سائٹس مذہبی ہیں جن کا سیاست سے کوئی واسطہ نہیں ہے۔ حسن نصر اللہ نے کہا کہ ہم لبنانی فوج کو ملک کی حقیقی سیکیورٹی ، استحکام و اتحاد کی ضمانت مانتے ہيں۔ لبنانی فوج کے طاقتور ہونے کے راستے میں سب سے بڑی رکاوٹ امریکا ہے۔ امریکا ہی ہے جو علاقائی ممالک سمیت دنیا کے دوسرے ممالک کی مدد کو لبنانی فوج تک پہنچنے میں رکاوٹ بنا ہوا ہے۔ انہوں نے کہا کہ امریکا کو اس بات کا خوف ہے کہ کہیں لبنان کی فوج اتنی طاقتور نہ ہو جائے کہ اسرائیل کے خلاف ڈٹ جائے۔