Raza Musani 
بیروت : حماس اورحزب اللہ نے فلسطینی مزاحمتی محاذ کو آخری فتح کیلئے تیار کرنے پر اتفاق کیاحماس کے سربراہ اسماعیل ہنیہ نے حزب اللہ کے سربراہ سید حسن نصراللہ سے دورہ بیروت کے دوران ملاقات کی ہے اس ملاقات میں فلسطینی مزاحمتی محاذ کی جانب سے صیہونی مظالم کے خلاف انجام پانے والے "سیف القدس” مزاحمتی آپریشن کے بعد کی تازہ ترین صورتحال اور آخری فتح کے لئے فلسطینی مزاحمتی محاذ کو تیار کرنے پر تفصیلی بات چیت کی گئی۔ رپورٹ کے مطابق اسماعیل ہنیہ اور سید حسن نصراللہ نے حزب اللہ و حماس کے درمیان استوار تعلقات میں مزید وسعت لانے اور مزاحمتی محاذ میں ان دونوں تحریکوں کے اہم کردار پر بھی تاکید کی۔ واضح رہے کہ غاصب صیہونی رژیم کی جانب سے مسجد اقصی کی بارہا بی حرمتی پر فلسطینی مزاحمتی محاذ کی جانب سے دی گئی مہلت کے خاتمے پر گذشتہ ماہ مئی کی 10 تا 21 تاریخ تک جاری رہنے والے سیف القدس آپریشن میں فلسطینی مزاحمتی محاذ کی جانب سے غاصب صیہونیوں کے ٹھکانوں پر 4000 سے زائد راکٹ برسائے گئے تھے جس کے سبب قابض صیہونیوں کو پہنچنے والے وسیع نقصان کے باعث غاصب صیہونی رژیم مصر و اردن کی ثالثی کے ذریعے یکطرفہ جنگ بندی کے اعلان پر مجبور ہو گئی تھی۔
