فلسطینی الیکشن: اسرائیل نے امریکا سے مدد مانگ لی

اسرائیلی وزیر خارجہ کا امریکی ہم منصب  انٹونی بلنکن سے رابطہ، انتخابات میں حماس کی فتح موومنٹ پر ممکنہ برتری پر اپنے خدشات کا اظہار
مشرقی یروشلم کے بغیر کوئی الیکشن نہیں اسرائیل اسے ویٹو نہیں کرسکتا،الفتح، ممکنہ انتخابی امیداروں کو ہراساں اور دھمکیاں دینے کی اطلاعات
مقبوضہ بیت المقدس(نیوز ٖیسک)اسرائیل نے فلسطین میں الیکشن میں  رکاوٹیں ڈالنے کا سلسلہ تیز کردیا اور امریکا سے بھی مدد مانگ لی ، اسرائیلی وزیر خارجہ نے امریکی ہم منصب  انٹونی بلنکن سے رابطہ کیا، عبرانی نشریاتی ادارے کے مطابق امریکی ہم منصب سے ملاقات میں صہیونی وزیر خارجہ نے انتخابات میں حماس کی فتح موومنٹ پر ممکنہ برتری کے بارے میں اپنے خدشات کا اظہارکیا،انہو ں نے کہا کہ صدر محمود عباس کی جماعت کی صفوں میں اختلافات حماس کی انتخابات میں کامیابی کی راہ ہموار کرسکتی ہے، انہوں نے کہا کہ اسرائیل خود پر فلسطینی انتخابات کو ناکام بنانے کے الزامات سے بچنے کے لیے انتخابات کی راہ میں رکاوٹیں نہیں ڈالے گا تاہم فلسطینی خود انتخابات ملتوی کردیں تو امریکا اور اسرائیل خوش ہوں گے ، ادھر الفتح اور اس کے حامی گروپوں نے واضح طور پر کہا ہے کہ مشرقی یروشلم کی شمولیت کے بغیر الیکشن کسی صورت قبول نہیں ،مشرقی یروشلم کے بغیر کوئی الیکشن نہیں اسرائیل اسے ویٹو نہیں کرسکتا،اُدھر الخیل اور دوسرے علاقوں میں ممکنہ انتخابی امیداروں کو ہراساں اور دھمکیاں دینے کی اطلاعات ملی ہیں ،بعض ارکان کے گھروں پر فائرنگ کی گئی جس سے الیکشن میں انتشار کا خدشہ پیدا ہوگیاہے