فرقہ پرست فعال ،توہین صحابہ کے الزام میں مقدمات کی بھرمار

 کامونکی میں 3 سالہ ننھے عزادار سید فضل عباس نقوی پر مقدمہ، ایف آئی آرمیں دہشت گردی کی دفعات ، باپ بیٹے اور چچاکو عدالت سے ضمانت کرانا پڑی
جیکب آباد میں 23 افراد کے خلاف سائبر کرائم کی ایف آئی آر درج،راجن پور میں دیوار پر علی علی لکھنے پر مقدمہ ،قاتل حسین عمر بن سعد کی توہین پر بھی مقدمہ
کراچی (نیوز ڈیسک) خفیہ اشارہ ملتے ہی ملک میں فرقہ پرست عناصر پوری طرح فعال ہوگئے اور ملک میں ایف آئی آر کا طوفان برپا کردیا گیا، شرپسندوں نے کم سن عزادار کو بھی نہیں بخشا، کامونکی میں گھر کے اندر ذکر نواسہ رسول امام حسین کے انعقاد کے جرم میں 3 سالہ ننھے عزادار سید فضل عباس نقوی کو بھی والد اور چچاکے ہمراہ ایف آئی میں نامزد کردیا گیا،ایف آئی آرمیں دہشت گردی کی دفعات لاگئی ہیں بعد میں باپ بیٹے اور چچاکو عدالت سے ضمانت کرانا پڑی،جیکب آباد میں 23 شیعہ افراد کے خلاف سائبر کرائم کی ایف آئی آر درج کرائی گئی ہے ،جس میں توہین صحابہ کی دفعات لگائی گئی ہیں، راجن پور کے تھانہ محمد پور کی حدود میں پولیس نے گھر کی دیوار پر دم دم علی علی، ہر دم علی علی، تحفہ یا علی لکھنے کے جرم میں ایف آئی درج کرلی ، یہ مقدمہ وال چاکنک پر پابندی کی خلاف ورزی کے الزام میں درج کیا گیا ہے،پنجاب کے علاقے فاضل پور میں وہابی وکیل ایم ابوبکر خان یوسف زئی نے بریلوی مکتب سے تعلق رکھنے والے سابق چیئرمین بلدیہ فاضل پور سید مزمل بخاری پرتوہین صحابہ کے الزام میں مقدمہ درج کروادیا ، درخواست میں سید مزمل حسین بخاری کی فیس بک پوسٹ میں عمر ابن سعد کی توہین کا الزام عائد کیا گیا ہے۔