علامہ محمد ابراہیم محسنی آہوں اور سسکیوں میں سپرد خاک

مشہد(نیوز ڈیسک) حوزہ علمیہ مشہد مقدس کے مایہ ناز عالم دین علامہ محمد ابراہیم محسنی حرم مطہر امام رضا علیہ السلام کے صحن قدس میں سپرد خاک کردیے گئے، ان کی تشییع جنازہ میں ایران، پاکستان، افغانستان اور بھارت سمیت مختلف ممالک کے علما اور طلاب نے شرکت کی، محمد ابراہیم محسنی گزشتہ دوسالوں سے سخت علیل تھے،ان کا تعلق گلگت بلتستان کے علاقہ روندو، تلوبروق ملیار سے تھا جہاں سے انہوں نے اپنے علمی سفر کا آغاز کیا،علامہ محسنی، قائد شہید علامہ عارف حسین الحسینی اور علامہ ساجد علی نقوی کی قیادت کے دوران مشہد مقدس میں تحریک جعفریہ پاکستان کے جنرل سیکریٹری کے فرائض انجام دیتے رہے۔