طیارہ گرانے کے جرم میں گرفتاریاں،خصوصی عدالت بنے گی

جامع تحقیقات ہوں گی، تمام ذمہ دار افراد کو سزائیں دی جائیں گی، حسن روحانی
تہران(نیوز ڈیسک) ایران میں یوکرینی طیارے کو مار گرانے کے جرم میں کئی افراد کو حراست میں لے لیا گیا، سرکاری ترجمان غلام حسین اسماعیل نے بتایا کہ ان افراد کو تحقیقات کے لئے حراست میں لیا گیا ہے، اس المناک واقعے کی ذمہ داری صرف اس شخص پر ڈالنا غلط ہے جس نے میزائل لانچ کیے،ادھر صدر حسن روحانی نے کہا تھا کہ طیارے کو مار گرائے جانے کے ’المناک واقعے‘ کی جامع تحقیقات ہوں گی اور اس واقعے میں ملوث تمام ذمہ دار افراد کو سزائیں دی جائیں گی ان کا مزید کہنا تھا کہ ایک خصوصی عدالت اس واقعے کی تحقیقات کرے گی،عدالت ایک خصوصی عدالت کی تشکیل دے جس میں سینیئر جج اور بہت سے ماہرین کو شامل کیا جائے۔