صیہونیوں کو مستقبل میں مزید شکستوں کا منھ دیکھنا پڑے گا،انصار اللہ

سامراج چاہتا ہے عرب اسرائیل دوستی کے ذریعہ فلسطین سے توجہ ہٹا دی جائے
 صنعا (نیوز ڈیسک) یمن کی نیشنل سالویشن حکومت کے سربراہ سید عبد الملک بدر الدین الحوثی نے کہا ہے کہ صیہونی دشمن کو مستقبل میں مزید شکستوں کا منھ دیکھنا پڑے گا، فلسطینی قوم پر جاری صیہونی جارحیت اور اسکے مظالم، خود صیہونی دشمن کے زوال کو رقم کریں گے، حالیہ معرکہ آرائی کا ایک اچھا نتیجہ یہ سامنے آیا کہ صیہونیوں کے خلاف ہونے والی جد وجہد میں ایک نئی جان پڑ گئی اور یہ فلسطینی بھائیوں کی آپسی ہم آہنگی اور اتحاد و ہمدلی کے ذریعے ہی ممکن ہو پایا، اس وقت یمن کو ا ±س جارحیت کا سامنا ہے جس کی نگرانی امریکا کر رہا ہے اور اس کا نقشہ غاصب صیہونی حکومت اور برطانیہ نے مل کر تیار کیا جسے انکے نمک خوار عملی جامہ پہنا رہے ہیں، سامراج کی کوشش یہ ہے کہ خود ساختہ صیہونی ریاست اسرائیل کے ساتھ دوستی پر عرب اور اسلامی ممالک کو آمادہ کر کے فلسطین کی طرف سے توجہ ہٹا دی جائے مگر اقوام عالم کی ذمہ داری ہے کہ وہ ایک پلیٹ فارم پر اکٹھا ہو کر فلسطین کی دلیر اور شجاع قوم کی پشت پناہی کریں