خاشقجی کیس میں سعودی فیصلوں کی قانونی حیثیت نہیں

مقدمہ میں انصاف کو نہیں قتل کے مجرموں کو فتح ہوئی،اقوام متحدہ
 نیویارک(نیوزڈیسک) اقوام متحدہ کی خصوصی رپورٹراگنس کیلا مار نے سعودی عرب میں سعودی صحافی جمال خاشقجی کیس کے خاتمہ پر رد عمل ظاہر کرتے ہوئے کہا ہے کہ سعودی عرب کے فیصلوں کی کوئی قانونی حیثیت نہیں، خاشقجی کیس میں سعودی ولیعہد محمد بن سلمان کے ملوث ہونے کو نظر انداز نہیں کرنا چاہیے اور اس سلسلے میں امریکی خفیہ ایجنسی سی آئی اے کی رپورٹوں پر بھی توجہ دینی چاہیے، اس نے کہا کہ خاشقجی کے قتل میں ابھی تک انصاف کو فتح حاصل نہیں ہوئی بلکہ اس قتل میں ملوث مجروں کو فتح ہوئی ، اقوامتحدہ کی خصوصی رپورٹر نے کہا کہ کہ عالمی اداروں کو خاشقجی کے قتل کے سلسلے میں انصاف کی حمایت کرنی چاہیے اور سعودی عرب کے فیصلوں کی اس سلسلے میں کوئی اہمیت نہیں ہے۔