بھارتی اقدامات کو ناکام بنانے کیلئے سب کو متحد ہونا ہو گا،وزیرخارجہ

 ایٹمی جنگ خودکشی ہے، لیکن ہندوستان پاکستان کی صلاحیتوں کو جانتا ہے
ملتان(نیوز ڈیسک) وزیر خارجہ شاہ محمود قریشی کا کہنا ہے کہ بھارت کی پوری کوشش ہے کہ پاکستان میں عدم استحکام ہو اور معاشی خوشحالی میں رکاوٹ ڈالی جائے، وزیر خارجہ شاہ محمود قریشی نے ملتان میں میڈیا سے گفتگو کرتے ہوئے کہا کہ بھارتی اقدامات کو ناکام بنانے کیلئے سب کو متحد ہونا ہو گا ، بھارت اپنی سرزمین کو پاکستان کے خلاف استعمال کر رہا ہے، بھارت سی پیک کو سبوتاژکرنا چاہتا ہے لیکن ہم نے بھارت کے عزائم کو سمجھنا بھی ہے اور انہیں ناکام بھی بنانا ہے ، بھارت گلگت بلتستان میں بھی حالات خراب کرنا چاہتا ہے،شاہ محمود قریشی نے کہا کہ ایٹمی جنگ خودکشی ہے، لیکن ہندوستان پاکستان کی صلاحیتوں کو جانتا ہے، پوری دنیا ہماری صلاحیتیں جانتی ہے