بھارت نے دہشت گردی کیلئے 80ارب مختص کردئے ،پاکستان

بھارت میں مسلمانوں کی نسل کشی پر عالمی برادری سخت تشویش میں مبتلا ہے
ملتان (نیوز ڈیسک) وزیر خارجہ شاہ محمود قریشی نے کہا ہے کہ بھارت پاکستان میں دہشت گردی کی منصوبہ بندی کررہا ہے،ہندوستان نے اس مقصد کیلئے ایک سیل بنایا ہے جس کے لیے 80 ارب کے لگ بھگ رقم مختص کی گئی ہے، پاکستان نے اپنے خدشات سے عالمی برادری کوآگاہ کردیا ہے، بھارتی ہتھکنڈوں پرپاکستان خاموش نہیں رہے گا ، عوامی رابطہ مہم کے سلسلے میں تقریبات سے خطا ب میں شاہ محمود نے کہا کہ ہندوستان کی جانب سے مسلمانوں کی نسل کشی کے حوالے سے عالمی برادری میں سخت تشویش پائی جاتی ہے، دہلی اور گجرات میں جو ہوا وہ سب کے سامنے ہے،میڈیا کی ذمہ داری بنتی ہے کہ وہ بھارت کے حوالے سے پاکستانی خدشات کو عالمی برادری تک پہنچائے۔