بغداد میں مزاحمتی گروپوں کی مسلح پریڈ سے کھلبلی

بغداد میں مزاحمتی گروپوں کی مسلح پریڈ سے کھلبلی
ربع اللہ کا حکومت کو الٹی میٹم، وزیراعظم اور حشد الشعبی کی تنقید
بغداد(نیوز ڈیسک) عراق میں مزاحمتی گروپ ربع اللہ کے دارالحکومت بغداد میں فوجی ساز و سازمان کے ساتھ مارچ نے حکومتی حلقوں میں کھلبلی مچادی، کتائب حزب اللہ نے بھی اس مارچ میں حصہ لیا، سات مسلح گروہوں نے امریکی افواج کے ساتھ جنگ بندی کو ختم کرنے کا بھی اعلان کیا، عراقی سکیورٹی فورسز کو حکم دیا گیا تھا کہ پریڈ کے ختم ہونے تک عسکریت پسند گروہ کے خلاف کسی قسم کی کارروائی انجام نہ دی جائے،وزیراعظم مصطفیٰ الکاظمی نے ربع اللہ ملیشیا کی پریڈ کو اشتعال انگیزی قرار دیا اور خبردارکیا کہ یہ اقدام دوبارہ نہیں ہونا چاہئے ، ربع اللہ نے عراقی وزیراعظم مصطفیٰ الکاظمی، امریکا اور سعودی عرب کو خبردار کرتے ہوئے تین مطالبات پیش کئے ہیں، جن میں بجٹ کی منظوری، ڈالر کی قیمت کو نیچے لانے اور بارزانی کو بجٹ کی رقم مختص نہ کرنا شامل ہیں، حشد الشعبی اور صدر تحریک نے ان مظاہروں پر تنقید کی ہے۔