ایران پردباو کی امریکی پالیسی انسانیت دشمن ہے ،چین

چین ، امریکا کی تسلط پسندی اور خودسرانہ پابندیوں کا ہمیشہ مخالف رہا ہے
بیجنگ (نیوز ڈیسک) چین کے وزیر خارجہ نے ایرانی صدر حسن روحانی سے ملاقات میں باہمی دلچسپی کے امور اور روابط میں فروغ کی راہوں پر تبادلہ خیال کیا ، حسن روحانی نے کہا کہ ایٹمی سمجھوتے پر عمل درآمد کے لئے دونوں ممالک کے درمیان تعاون اور یورپی ممالک کی جانب سے ایٹمی سمجھوتے کی پابندی نہایت اہم ہے ، یورپی ممالک کی جانب سے ایٹمی سمجھوتے پرعمل درآمد اس سمجھوتے کی موجودہ صورت حال کو تبدیل کرسکتا ہے،انہوں نے علاقے میں عدم استحکام کا اصلی عامل مشرق وسطی میں امریکا کی موجودگی کو قرار دیا اور علاقے میں امریکیوں کے مداخلت پسندانہ اقدامات کی مذمت کی چین کے وزیر خارجہ نے کہا کہ چین ، امریکا کی تسلط پسندی اور خودسرانہ پابندیوں کا ہمیشہ مخالف رہا ہے اور اس نے عالمی سطح پر بھی اپنی مخالفت کا اعلان کیا ہے، ایران کے خلاف زیادہ سے زیادہ دباو کی امریکی پالیسی، قانون کے منافی اور انسانیت دشمن اقدام ہے اور اسے عالمی حمایت حاصل نہیں