ولی خدا، جانشین حضرت مصطفیٰ (ص) امیرالمومنین حضرت علی علیہ السلام کے روضہ اطہر کی تعمیر کا کام پھر سے شروع کر دیا گيا۔اطلاعات کے مطابق کورونا وبا کے باعث روضۂ اطہر کی تعمیرکا کام عارضی طور پر روک دیا گیا تھا۔
مزارت مقدسہ کی تعمیرِ کے ایرانی ادارے” ستاد بازسازی عتبات عالیات” کے سربراہ کے مطابق ایرانی ماہرین کی ٹیم نے عراق پہنچنے کے بعد امیرالمومنین (ع) کے روضے کی تزئین و تعمیرِ نو کا کام شروع کر دیا ہے۔
واضح رہے کہ نجف اشرف میں روضہ امیرالمومنین(ع) کی آخری تعمیر تین سو برس قبل انجام پائی تھی اور سنہ 1991 میں صدام کے حملے کے سبب روضے کے مختلف حصوں کو خاصا نقصان پہنچنے کے بعد ہلکی پھلکی مرمت کی گئی تھی۔ اس وقت مقامات مقدسہ کی تعمیر نو کے ایرانی ادارے کے ماہرین روضہ اطہر کی مکمل طور سے تعمیر نو کا کام انجام دے رہے ہیں جو ایک اندازے کے مطابق آئندہ شمسی سال 1401 کے موسم گرما تک مکمل ہوجائے۔
